El proyectu, que tán yá en llicitación, preveu renovar el césped instalando unu de última xeneración, la meyora del cerramientu perimetral, la sustitución de les porteríes fixes de fútbol 11 y los cañones de los sistemas de riego que tán en superficie.
- Les empreses tienen agora hasta’l 22 de setiembre pa presentar les sos ofertes.
MIERES, 3 de SETIEMBRE de 2025.- L’Ayuntamientu de Mieres, al traviés de la conceyalía de Deportes que dirixe César Menéndez, informa de la llicitación de les obres d’adecuación de les instalaciones deportives del campu de fútbol d’Uxo. Trabayos que supóndran una inversión de más de 270.000 euros y que permitirán que esti equipamiento cuente con un césped renováu de última xeneración.
Amás, el proyectu preveu la meyora del cerramientu perimetral de rede darréu de les porteríes de fútbol 11, la sustitución d’esi porteríes y de los cañones de los sistemas de riego, que agora tán en superficie y pasarán a ser soterráu, evitando asina riesgos y cumpliendo la normativa vigente. La sustitución de los banquillos, la reparación de la cimentación de les porteríes de fútbol 7 pa asegurar la so movilidad y funcionalidá, la creación d’una rampa pa meyorar la accesibilidá o la ampliación del espaciu d’entrada a los vestuarios son otres de les obres preveíes, que tamién se centrarán en reparar el mecanismu automáticu de riego y en reimpermeabilizar la cubierta.
Eventu: Torneo CD Uxo añu 2024. Fuente d’imáxenes: Saul Villarin y Radio Uxo.
Un proyectu integral, por tantu, que permitirá dar respuesta a les necesidaes d’esti campu de fútbol municipal. Una actuación, amás, que s’enmarca nel plan de meyora y ampliación de les instalaciones deportives del conceyu, con más de 5 millones d’euros d’inversión y que inclúi proyectos tan importantes como la rehabilitación integral del polideportivu d’Oñón o les primeres pistes de tenis de tierra batida de les cuenques, asina como la meyora del campu de fútbol Hermanos Antuña —que arrancará a mediados de setiembre— o de Turón, que yá ta finalizada.
Les empreses interesaes en optar a esta obra tienen agora hasta’l 22 de setiembre pa presentar les sos ofertes. Tola la información (pliegue, proyectu ténicu…) pue consultase na Plataforma de Contratación del Sector Públicu, a la que se pue acceder al traviés del perfil del contratante de la web municipal.
About The Author
