Güei, martes 9 de setiembre, el Club d’Atletismu Mieres (CAM) vuelve a calzase les zapatilles y estrena oficialmente los sos entrenamientos na pista del Estadiu Hermanos Antuña. Dempués d’un veranu de descansu, los atletas de toes les edaes van reencontrase na pista pa ponese en forma y preparar la nueva temporada.
Los entrenamientos van desarrollase los llunes, martes y xueves de 18:30 a 19:30 (a elegir un mínimu de 2 díes), y tán abiertes tanto pa quienes llevan tiempu corriendo como pa quienes quierin iniciase nel atletismu. Amás, el CAM caltién la so Escuela de Trail, ideal pa quienes prefieren correr ente montes y senderos.
Con esti inicu d’entrenos, el club quier recuperar la rutina deportiva y que la pista de los Hermanos Antuña vuelva a llenase d’energía, esfuerzu… ¡y munches ganes de correr! Pa apuntase o pedir información, los interesaos pueden contactar col club a traviés del so Instagram: @mieresatletismo y nel corréu: atletismomieres@hotmail.com
About The Author
